ТӘРТИП радиосының өр-яңа җиңүе!
Бүген татар телендә сөйләүче радиолар арасында ел да үткәрелеп килүче республикакүләм пляж волейболының 10 нчы турниры узды. Үзе дә 10 яшьлеген бәйрәм итүче ТӘРТИП радиосы 1 нче урынны яулады!
2 нче урында – Татарстан радиосы
3 нче урында – Болгар радиосы
4 нче урында – Татар радиосы командасы
Әлеге дуслык турнирының шарты бик кызык: күчмә кубок кемдә кала, шул киләсе ел турнирын оештыра!
Кемнәр соң ул, безнең спорт йолдызларыбыз? "КАЛЕБ" тапшыруын алып баручы Миләүшә РИЗВАНОВА, "ТӘРТИПле КАЛЕБ" концертында катнашучы яшь артистларыбыз, радиобызның дуслары - Мөнир МАРДАНОВ, Дәниф САФИУЛЛИН һәм Ильяс ИСМӘГЫЙЛЕВ, "РИВАЯТЬ" тапшыруының алып баручысы Руслан ГАБИТОВ!
Кабатланмас җанатарлар: Илнур ФӘЙЗРАХМАНОВ һәм Илфак ХАФИЗОВ!
Барысы да үзебезнекеләр инде!
Димәк, киләсе турнир - бездән! Йөзгә кызыллык китермәбез: 10 ел эчендә ике җиңү яулап, ике турнир оештырган кешеләр без!
Быелгы уенны тиешле дәрәҗәдә оештыручы Татарстан радиосы командасына рәхмәт!
Хөкемдарлары да ТР Волейбол федерациясеннән килгән чын профессионаллар иде.
Следите за самым важным и интересным в Telegram-каналеТатмедиа
Комментарийлар