ТӘРТИПтә - КИТАП КИШТӘСЕ

"КИТАП КИШТӘСЕ" - ТӘРТИП радиосында чыга башлаган яңа һәм шул ук вакытта күптән көтелгән  тапшыруларның берсе.

Татарстан китап нәшриятында дөнья күргән китаплар белән Татарстан республикасының атказанган матбугат хезмәткәре, Татарстан китап нәшриятының балалар редакциясе мөдире Айсылу Галиева таныштыра.

Һәрбер программа тулаем бер китапка багышлана. Тыңлаучылар аның авторы турында да белешмә ала, басмада урын алган әсәрдән өзекләр дә ишетә, бизәлешен күзалларлык мәгълүмат та ала.

Авторлар, китаплар турында сораулар, тәкъдимнәр булса, ТӘРТИП радиосына язу мөмкинлеге бар: radio@tartip.tatar

"КИТАП КИШТӘСЕ"  эфирга һәр пәнҗешәмбе 14.30 чыга, кабатлавы якшәмбе - 9.30.