Безгә хатлар языгыз!

Исәнмесез! Тапшыруларыгыз бик матур, күңелгә ятышлы рәхәтләнеп тыңлыйбыз. Сирәк яңгырый ягъни безнең яшьлек җырларын, җырчыларын тыңлаганда бик күп истәлекләр искә төшә. Рәхмәт сезгә! Бер теләк бар элек радиодан атнага бер тапкыр республикабыз үзешчәннәре концертын тапшыралар иде. Татарстанда талантлар күп бит ул, менә шул үзешчән башкаручыларны да ишетергә иде. Аннан Тәртип булгач тәртип булсын инде җырларның авторларын да әйтсәгез иде. Әлбәттә сирәк булса да кайберләрен әйтәсез. Тагын матур тавышлы, саф татарча сөйли, укый белүчеләр бәйгесен уздырсагыз иде. Радио-тавыш бит инде ул. Бу бәйге туган телебезнең нинди матур булуын һәм аңа мөнәсәбәтне дә үзгәртер иде. Уңышлар телим! Тәртип радиосы - милләтебезнең йөрәк тибеше! Мирһади Разов, Татарстанның атказанган мәдәният хезмәткәре, Яр Чаллы шәһәре